CCF Mission Board Rian T`uannak

CCF kan mission rian ttha tein kan zokhenh khawh nakhnga caah Avoi 21^nk CCF General Meeting (Jan 30-31, 2014) nih mission board cu CCF sub-committee pakhat in a dirh. Mission board hruaitu ah Saya Van Tha Ceu le a bawmtu ah Isaac Cin Mung mipi nih an thim hna. Mission rian ttha tein le hmual ngei deuh in zohkhenh khawhnak dingah Mission board thimmi rian ttuantu pahnih nih cun thlacam bu tein committee members an thim tthan hna. Mission Board rian ttuantu hna cu atanglei bantuk hin an si.

Hruaitu : Saya Van Tha Ceu

A Bawmtu: Pa Isaac Cin Mung

Ngun Keng: Sayama Dawt Hning

Chungtal: Saya Biak Hu le Pu Van Thang

CCF mission ttuan ning hi, mah tein va zohkhenh, va thlahmi silo in, Rakhine ram Kyaut Phyo District mission field zokhenhnak tangin kan bawmhmi tu a si. Asinain, kan bawmhmi missionary a umnak hi , Kan Taung Gyi khua, Ann Township a si caah, Kyat Phyo district he contact loin, Ann mission field Director Rev. Doi Caan tu he contact in CCF mission board cu rian a ttuan. Cuti a ttuannak aruang cu, kan missionary kan rak thlah thawk tein Ann mission field zokhenhnak tangin kan rak ttuan caah a si fawn. Kan Taung Gyi hi hlan ahcun, Ann mission field a rak si nain, 2011 thawk in Kyaut Phyo district ah aa tthial. Kan bawmhmi missionary min cu Saya Ko Oo a si.

Hi mission field chungin sianghngakchia 3 zong an sianginn kainak caah minung pakhat cio (100,000 Kyats) ret in kan bawmh khawh hna.

An min hna cu;-        1.Mai Ni Lar Aye (tang 8)

2.Mai Shwe Zin Win (tang 7) le

3.Mai Hnin Si (tang 7) an si hna. 

Ann Mission field ah a ummi Ann Chawng Phya khua zongah Sayama Mai Tin Hla cu kan hlan piak hna. Kum 2013 cu kumkhat caah (300,000 kyats) kan pek i, 2014 hi cu kum khat caah (400,000) kyat kan pek. A tu aralai ding Kum cheu General Meeting khawh hin; Ann Mission field chungin missionary pakhat thlah kho chap usih tiah kan thlacamnak a si. Kan mission tuahmi nih theipar tampi a tlai ii, thlarau tlau tampi a thleih khawhnak hnga Bawipa nih thluachuah pe hraam ko seh.

Mission Kan t`uannak hmanthlak hna:-

Cat`ialtu, 
Van Tha Ceu 
Mission Board Hruaitu