2014 Kum Avoikhatnak CCF Korea Sport Day

2014 Kum avoikhatnak CCF Korea Sport Day cu Dearim Cerhmun ah nuam taktak in le hlunghlai taktak in kan tuah kho. Hi CCF Sport Day timi cu Korea ah  Chinmi a tambik an i butnak hmun CCF Korea nih tuanmi Sport Day kha ti duhnak a si. Atutan cu Chin Chrsitian Youth Committe hruainak in kan tuah a si  tikah a cawlcaangmi pawl hi a tam u in cun mino le patung no deuh si, asi. Cerhmun hi kan hlanmi a si i, 10am-4pm tiang a si. Chuncaw cu Chin House President Pu Sui Hmung le CCYC Upa cheukhat hna nih thaw tein ei khawh dingah sabuti an kan chuanpiak.

Kan Pumpalulh chuihning cu tihin atanglei bantuk in a rak si.

Puaikhatnak
========
Patung & Pastor Vs Tlangval

Tlangval Team

Vs

Patung& Pastor Team

Hi puai hi cu a puaikhatnak a si bantukin kumpi kumkhat chung kan i khawnmi kan tha vialte le chuih kan duhnak vialte aa rialnak puai a si ca'h zoh a nuam khun. Thin hna " ka-duk, ka duk " tiin a thur tiah, an chim. Vanchia kan ti hnga maw thiamlo kan ti hnga dik; kawl nga ka sut baklai a timi Saya Pa Sawng te lei Patung le Pastor Team cu 8-3 in an sung ko ai. Tlangval zong nih hin itei ter hi cu an rak duh ve bak lo caah a si ko rua... Goal 8 bak tein an den ko hna.

Puaihnihnak
---------------

Mah hnu ah Nupawl lentecelhnak kan tuah:  Hi Lentecelhnak ahcun bawlung a nganmi a nam in nam phun kha cerhmun lai ah Nu pawl nih hehcheh tiah an nam. Zoh a nuam ngai, thli a hran pah caah an duhning in a kal kholo. An izuam ngaingai. Adih in a phunphun te kan tuah rih.

Puaithumnak
========

Puaithumnak hi cu Pumpalulh thiamthiam kha a si ko. Nain, puaikhatnak ah ceilak in an denmi hna pawl nih an ilungsak kholo ruangah hun chuiht`hanmi asi kan ti ko lai cu.." Puaikhatnak ah a pha manh rihlo mi pawl an phanh caah an hmurkaa in ceilak kan thuat hna lai tiah" Patung lei in an chim cu tlangval pawl nih an theih. Cu ruangah maw a si hnga hngal hlah! An izuam taktak ning hi a puaikhatnak in tei an rial deuh, hngakchia cu thlantling pek hmasa hnu ah lung pek a si tiah, Upa pawl cu an au len. An team hnih in an izuam taktak. Mino pawl zong nih kan sungh ahcun puaikhatnak cu kan i ti ter ruangah a si tiah, a kan capo/sawi sual lai ti phan ah an tha vialte an chuah ve.  Puai cu a hun dih tik ahcun Mino nih 4-2 in an tei t`han hna ai.

Adih hnu ah ti khin pumpalulh tuai buin

Cu hnu ahcun, Ahmun bak ah Chuncaw thaw tein kan ei t`i hna lengah hmanthlaknak te pawl kan  ngeih ta hna. A dih hnu ah pumhnak dingah kan itim cio hna i cutin cun............. kan SP Day cu kan dihter.


Hi CCF Sport Day ah kan dihmi vialte cu CCF Bupi nih a liam tawn bangin atutan zong aliam t`han. Ei din balte hi Chin House le CCYC nih acheu veve in an liam t`i tiah, an chim