 |
| Rev. Joseph Ngun Uk |
Biahmai`hi
“ Bawipa nan Pathian aw kha nan ngaih i nihin ah kaan pek
mi hna nawlbia vialte cu `hate in nantuah ahcun Vawleicung miphun vialte hna
cungpi ahkhin Bawipa nan Pathian nih aan chiah hna lai” (Deut.28:1).
Tutan Chosuk
caanhmannak ah hin Peknak—abik in Cheu1/10 peknak chimnak caan ka hmuh caah
Pathian sin ah kaa lawm i CCF hruaitu pastor le upa hna cungah lawmhnak tampi ka ngei. Kan
saduhthahnak tu Bawipa Pathian nih CCF chungtel kan zapi cungah tlamtlinter
hram ko seh. Amen.
Peknak kan
timi hi Pathian nih Khrihfami kan caah thluachuah kan don/hmuh khawhnak ca
dingah hmanrua ah a kan serpiakmi a si.
Baibal cherhchan: Job 41:11, Rom. 11:35, Mal. 3:10, lk. 6:33.
Peknak kan
timi hi aphun tampi hmanh sehlaw phun 7 in ka vun `hen chung.
Cu hna cu: I. Cheu1/10 peknak. II. Zumhnak thil pek (Cheu
9/10 chungin). III. Latir, fatir peknak. IV. Theipar hmaisa (Thlaithar) peknak.
V. Zumhnak biakam peknak. VI. Thawhlawm peknak (Pathian biaknak ah put mi).
VII. Lunglawmh raithawinak thilpek. Baibal cherhchan: Gen. 8:20, Lev. 27:26-33,
Deut. 22:29, Neh. 10:34, 39, Ml. 3:7-10, Prov. 3:9, 11:24-25, Deut. 23:21,
Biaceihtu 11:30-31, Heb. 7:5-9.
Sihmanhsehlaw
tu tan cu Cheu1/10 peknak lawng hi kan cawn ding a si lai. Pathian nih 1/10 hi
a Van thluachuah Innkaa awng hunnak ah a hmanmi a bia a si.
I. Cheu1/10 peknak:
1. Cheu1/10 cu aho ta dah a si?
(a) Bawipa ta a
si. Lev. 27:30, 31
(b) Bawipa caah
athiangmi a si. (lev.27:31)
2. Cheu1/10 pek awk thil hna:
(a) Ram chung
thil chuak hmuhmi dihlak (Lev. 27:30)
(b) Cinthlakmi
thil chuak hmuhmi dihlak (Lev. 27:30, Deut.14:22,
Matt 23:23)
(c) Kan hmuh
theihmi phaisa chung in (Ramchung thilchuak
kan fian nakding ah: Lev.27:30)
3. Cheu1/10 peknak hmunhma:
(a) A min um
nakding i thimnak hmun ah (Deut.12:11, 14:23,
26:2)
(b) Bawipa inn,
Pathian inn ah (Neh.10:35, 38)
(c) Levi mi hna
sin in Pathian Inn ah (Neh. 10:37-38)
4. Cheu 1/10 cu mah sin ah sau chiah lo ding:
(a) Nan Cheu
1/10 kha nithum chung ah rakchuahpi lengmang
hna u (Amos 4:4)
(Fianternak:
Hebrew in “Yamim” a ti i cucu “Three
day” tinak a si).
5. Cheu 1/10 pekmi
thlen a ngah lo:
(a) Ahohmanh nih
a`hat achiat kha adotthlat lai lo. (Lev. 27:33a)
(b) A thleng
zong aa theng lai lo. (Lev.27:33b)
(c) A thlen a si
ahcun athlennak le athlenmi kha an pahnih
in athiangmi ah an cang lai. (Lev.27:33c)
6. Cheu 1/10 cu asawhsawh in tlanh khawh a si lo:
(a) Cheu 1/10
tlanh aduh ahcun 1/5 a bet lai. (Lev. 27:31)
7. Cheu 1/10 pek
tikah hman tling le hmante in pek a hau:
(a) Abraham nih
hranchaw alakmi vialte cheuhra cheukhat
a pek.(Gen.14:20)
(b) Ananias le
Safira kong (Lam.5:1fl)
8. Cheu 1/10 peklo ruangah thil atlungkho mi:
(a) Pathian deh
(hlen) a si (Mal. 3:9)
(b) Miphun caah
chiatserhnak a si (Mal.3:9)
-Akhan nih pek chanhmi hranchaw aa thuh caahIsraelmi nih sunghnak an rak huah.(Joshua 7:1fl)
-Ananias te nupa nih thihnak an rak huah (lam. 5:1fl)
9. Cheu 1/10 pek ruangah ah thil`ha atlungmi
(a) Herhnak a umchung thluachuah timhtuahpiak
kan si. (Mal.3:10-12)
10. Ahmaannak hmun: Levi mi (Pathian rian`uantu), Mission rian caah, Ngak`ah caah, Mipem caah le Nuhmei caah
(Deut.14:28, 29; 26:12, Num.18:24).
Biadonghnak
Cucaah tutan “Chosuk” ah hin tlamtlingin cawnpiaknak le
cawnnak ngei kho hmanh hlah usih law kan pumpak nun cio ah a thluachuah co cio
ding in thlacamnak in i zuamcio hna usih. Bawipa nih thluachuah in pe ko hna
seh. Amen.........
Post a Comment