 |
| Pu T`ial Hre |
Biahmait`hi: Ka
tlintlak lopi in hi bantuk Caant'ha ka
hmu khawh ve caah Pathian cungah kai lawmtuk hringhran.A caan a ka cheuhtu kan
president pa cung zongah kai lawmnak ka langhter duh.
Politicians
pawl nih election lai ah an tuah hmasa bik mi cu, political campaign asi.Anmah
party dirpi tu le t'anhtu ding hoikawm an sawm/kawl hna. Jesuh khrih nih vawlei
ah riant'uan ai thok tikah a tuah hmasa bik mi cu zultu ser asi. Phungdangin
chim ahcun amah lungput a tonmi,
hoikawm a ser hmasa hna. Pathian nih Adam kha amah lawng i a um hi at'ha
lo, hawile bawmtu ka ser piak lai a ti i, Evi kha aser piak. (Gen 2:18) kan nih
laimi cheukhat zong Korea kan phan bakin mah te lawng i um cu a t'ha lo, chiatni
t'hatni a ton kho ciomi kan si pinah, mahle holh tein Pathian biak a nuam
cem tiah kan ruah caah CCF hoikawmhnak
bu ah kan ra lut cio hna. Vawleicung ram
hrawitu vialte hna khi an ra ithoknak cu bawmtu hoikawm a rak ser hmasami longte
an si dih. Vawlei lei long siloin kan Pathian hrimhrim nih ihoikawmhnak a biapi zia fiang tein alanghter. Tutan CCF
kan chuseok ahhin laimi khrihfa hna nih kan baunak asi ko rua tiah ka ruah
mi "Hawikomhnak caah aherhmi lungput t'ha" timi hi tlawmpalte ka van chuahpi ve. Hoikomhnak
timi hi mirang holh in fellowship asilo ah friendship tiah an ti. Ka hawipa nih
fellowship timi cu hawikom rual hmunkhat te icit t'i mi tingbaw tiah a
leh. Pakhat tete in leh ahcun ahman ngai ve. Lungput timi cu nan theih cia
dih bantukin kan i ngeihmi kan thinlung/kan ziaza ti usihlaw kan palh lai lo dah. Hawikomhnak ah aherhmi lungput hi a
tamtuk i, a kau ngai mi asi caah kan
ngeihmi ri khiah piakmi caan chungah ka chim dih kho lai lo. Dotorate degree
pasarih a ngahmi Billigraham hman nih tlinte in achim khawh ding asiloh. Cucaah, kannih CCF laimi
he ai tlak deuh rua ka timi pahnihthum te ka van chuahpi ve.
1. Sining zeimawzat kal takmi lungput
Aa khat lomi
minung hon ikomh tikah pakhat le pakhat kan sining kan ihrawm khawh ngai a
hau. Bawi Jesuh khrih nih minung he ikomh a duh tikah Pathian a sinak kha a kal
tak bantukin midang he kan ikomh khawh nak ding ahcun kan sining kha zeimawzat
cu kan kal tak ahau ve. Sianghngakchia le saya.. boss le riant'uan tu, fapa /fanu
fangkhat tbk....
2. Midang duhnak hmuhpiak thiam mi lungput a herh.
Mi cheukhat cu
mah duhning chim le rel cu kan thiam ngai hna. Asinain, midang duhnak kan theihpiak thiam ton hna lo. Midang duhning kha hmu thiam izuam ulaw nanmah duhnak
lawng kha ruat hlat u. (philipi 2:4) kawl holh in chim ahcun Alaih kan theihlo
caan a tam. Mizo ka hawiipa nih tanghra aun a hau loh alaih theih lawng a herh a
ra ti bal.
3. Lungrual duhnak lungput
Hawikomhnak ahhin
lungrualnak a biapi bik. Cu lungrualnak kan ngei khawh nakding ahcun atanglei
lungput hna hi ngeih kan herh.
- Mi thleidangnak ngei lo
- Mi upat thiamnak
- Toidornak
- T~uantlaknak ngei lo
- Thilt'ha tuah duhnak lungput
- Nawl buar duh lonak lungput
- A poimi le a poi lomi thleidan thiam
- Zuamnak (competition) lungput ngei
4. Laimi nih saram cungah kan ngeihmi lungput
Laimi nih saram khi kan dawt kho hrim hna rualo tiah ka ruah. Nu ah thurhnawm deuh in a ummi khi, " Uico pa" kan ti theu hna. A
U/nau nupi a sualpi ti bantuk thawngpang kan theih tikah cu pa pi cu saram
lungput a keng kan ti Kan hmai ah a bomi a chuah si le arsik ka ngei kan
ti. Saram nehsawhnak lungput t'halo kan ngei caan a tlawm lo. Laimi nih saram dawtnak lungput kan ngei khawh lomi a ruang cu saram an sining t`ha tein kan
theih fian rihlo ca zongah asi kho men. Saram vialte khi Pathian nih hi vawlei
ah um seh tiah nawl a pek i a um sawhsawh mi an si lo. Pathian nih vawlei a lak i, kanmah minung bantuk tein a ser in, a ser ve hna. (Gen 2:19) Vawlei in sermi an
si ve i an thih tikah vawlei ah an kir
than ve. Minung he sernak ah kan ikhat bak. Thil tikhawhnak ah minung nih saram
kan tluk hrimhrim hna lo. Kawl nih Aazun ngapa an timi ahkhin kan zoh hmanh lai.
- Mit in Hmukhawhnak Aazun ..e.g mupi
- Hnakhor in Theih khawhnak ( Aazun) .e.g Lingnuh (Phapalet)
- Hnar in theih khawhnak (Ananh khan Aazun) ...e.g hnerhte , Uico
- Thluak in theih khawhnak aazun e.g Sai (vui)
Biatlang kawmhnak
Hawikomhnak caah a herhmi lungput t'ha ngeih khawhnak ding
caah hin tuah dingmi thil dot tampi an um. Minung hi thilt'ha tuah kan theih ko, kan tuah kho lo. Thilt'halo tuah zong kan theih ko nain kan tuah peng ko. Kawl nih
cun mit'ha timi chungah khin nu paw chungin lungput t'ha cia in a chuahmi an um
i, cawnnak le hmuh theihnak in a lungput a t'hami zong an um ve an ti. Kan lai
phungtluk ah seihnam t'hiht'ha nun t'hinh t'ha an ti bantukin kan lungput cu kan pumpak cungah aa hngat mi
si. Filipi 2:5 ah, "Nan lungput cu khrih nih a rak ngeihmi lungput kha siseh ati
bang Hawikomhnak caah aherhmi lungput t'ha kan ngeih khawhnak dingah kan
Bawipa Jesuh khrih lawnglawng izohchunh
in kan nun karhlan
zungzal
mi CCF si hram usih.
Note: Internet line um lonak le loriak bantuk
hmunhma in t`ialmi cathluan asi caah Reference/sources zeihmanh ka tel kholo
.Thesis t`ial a si lemlo caah a ruahzia nan ka thiam naklai Bawi khrih min in
kan nawl hna.
Post a Comment