Hlan lio pi ah `afar hna an um. Nelrawn ah a ummi inn hmete ah an nu he
khua an sa`i hna. Ni khat cu an nu kha an khua pawng i an tuahmi puai ca ah
rian bawmh ah a va kal. Ngakchia hna pahnih cu inn ah an um i inn kha an rak
zoh. An nu cu a rian kha rianrang tein a `uan i inn lei ah cun aa thawh.
Vanchiat ah an nu cu innlam a kir lei ah harnak a tong.
Innlam a kir lei tlang tlang khat a
vun lonh bak ah ruahlopi in Cakei nganpi he an i tong ai. Cakei nih cun a vun
hrum hnawh, a vun hnimh i ther le pang in a um cang. Cakei pi nih cun, “na
chang kha tlep khat in na ka pek ahcun kaan seh lai lo” tiah a ti. A rannak in
a chang cu a vun chuah i a pek colh. Cakei pi cu a rannak in chang cu a ei i
tlang hnihnak ah a vai i cheih colh. ~afar hna i an nu cu tlang hnihnak a vun
phanh ah Cakei pi nih cun a rak bawh ko. Cakei pi nih cun, “na chang kha tlep
khat in na ka pek ahcun kaan seh lai lo” tiah
a vun ti `han. Chang cu a hei pek `han. A rannak in chang cu a ei i tlang
thumnak ah a vai i cheih colh `han. Adonghnak ah cun chang kha a pek dih cang
ca ah ngakchia hna i an nu cu Cakei pi nih cun a seh.
 |
| Cat`ial tu Val Ni Chum Er |
Khua cu
duhsah tein a hung mui thluahmah i zaan a hung si. Ngakchia hna cu thinphang
thlalau in a um. An nu nih le a tlung bal ti lo. Ngakchia nu te nih cun a `a
kha “ka ning a `i, ka nu khoika ah dah a um?” a ti. A `a nih upa cancuh in “na
thinphang hlah, a rak tlung ko lai, tlawmpal vun hngak rih ko usih” tiah a vun
ti. Tlawmpal ah cun pakhatkhat nih innka kha an vun on hnik thawng kha thang
ngai in a vun theih. “Ka fale hna innka ka onh u nan nu ka si” tiah a vun auh
hna. “E, ka nu a tlung cang” tiah ngakchia nu te nih a au pah in innka lei ah
cun a va tli. A `a nih cun “Chikkhat” tiah a ti i a far nu cu a tlaih. “Na aw
hi ka nu aw a lo lo” tiah a vun ti i, “ka or kik nih a ka tlaih i a si. Innka
hi rak ong zok ko u” tiah awthawng cu an vun theih `han.
A `a nih cun a far nu cu fek`hup in
a kuh. Zei ka tuah lai ti awk khi a
hngal ti lo. “Na kut kha hun kan hmuhsak kun” tiah a vun ti. Aihre zawng
a simi a kut tin ngan pipi cu a vun hmuhsak hna. “Khakha cu ka nu kut a si `ung
lo” tiah ngakchia nu nih a ti i a `ap. “Ni hin cu rian hrang tuk ka `uan i a
si. Atu lio ka kut cu a hrat tuk. Lentecelh kha ngol ulaw innka hi rak ong u”
tiah aw thawng cu an vun theih `han. Ngakchia hna nih cun innka on cu an ngamh
hrimhrim lo. “Nan rawl zong a `am cang lai. Ka luhter u law ei ding kaan
tuahpiak hna lai” tiah a ti hna i, an nu i a thuampi he cun a rung lut.
Ngakchia pa te kha a lung a `ha lo
tuk i, “Ka nu, zanriah ser kaan bawm lai” a ti. Asinain coka lei ah a va kal i
a hmuhmi cu a nu thuam tanglei in Cakei mei kha a hmuh. Cakei bak a si lai a ti
i a farnu te cu a auh i innleng ah a chuah pi. “Coka ah a ummi khi ka nu a si lo. Cakei a si. Kan i
thuh a hau” tiah a farnu cu a chimh. Coka ah cun Cakei pi cu nuam ngai in a um.
Tlawmpal a vun i dinh hnu ah a hmur kha a vun i liah i “Atu cu zanriah ei caan
a si. Tu zan cu thaw taktak in ka ei lai” tiah amah le amah bia aa ruah.
Innka cu a vun
on. Aho hmanh an rak um ti lo. “Khuazei ah dah ka zanriah an um?” tiah lau nawn
in a um. Ngakchia hna kawl ah innchung
ah a vak i `hutdan le kheng vialte a hlonh dih. Adonghnak ah ngakchia nu te i a
thlapale kha a hmuh. “Eh, thingkung cung
ah an kai hi. An hruh ning” tiah a zai len. “Ngakchia hna rung `um u. Ziah zan
ah cun thingkung cung ah cun nan kai” tiah a auh hna. Ngakchia nu te cu a `a he
an um`i ko bu ah ther le
phang in a
um cang.
Cakei pi cu thingkung kai kha aa tim
lengmang nain a tan`im a phanh ah a nal `han lengmang. “Zeitin dah thingkung
cung ah khan nan kai khawh?. Nan nu ka kai kho ti lo hih. Rung `um u” tiah a
auh hna. Ngakchia pa nih cun Cakei pi cu capo hram a vun thawk. “Ka nu, mah
tham cu a fawi tuk si. Chiti kha va la law thingkung kha thuh dih” tiah a hlen.
Cakei nih cun ngakchia pa bia cu aa zumh ciammam i chiti dur cu aa va laak i
tlor cikcek in a thuh dih ai.
Cakei pi cu kai hram a vun i thawk
ciammam cu a hlan nak in a nal deuh ai. Tingkung a tan`im a phanh ah a nal
ciammam i fak taktak in a mei lei in a tla. “Ngu, ngu” tiah a `ap. Ngakchia nu
nih cun “Mihrut” tiah a ti i a nihsawh chih. “Kai na duh ahcun hreitlung kha va
i laak law fawite in na kai kho ko lai cu ta” tiah a ti. Ngakchia pa nih cun a
farnu nih mah bia hi a chim ding a si lo tiah a ruah ko nain a tlai tuk cang.
Cakei nih cun mah bia kha a theih i
a rannak in hreitlung cu a va kawl zokzok. Hreitlung cu aa va hmuh i thingkung
cu a khorh i duhsah tein a kai thluahmah. Ngakchia nu nih cun Cakei pi duhsah
tein a kai len ko kha a hmuh i van a zoh. “Aw, van, run kan khamh. Zaangfah
tein hri run kan thlak ko sawh” tiah thla a cam dih le cangka in hri cu van in
a rung tla. An `afar in hri cu an i tlaih i van ah cun an kai thluahmah.
Tlawmpal ah Cakei pi cu a sannak bik
thing`eng cu a hung phan ve. ~afar hna minmei chung i an loh diahmah kha a hmuh
hna i a thin a hung tuk. Ngakchia nu te sin in a theihmi kha aa cawn i “Aw,
van, hri run ka thlak ve ko sawh” tiah thla cu a cam ve. Hri cu van in a rung
tla. Hri cu aa tlaih i a hrum len. Vawlei in van sangpi ah a phan cang.
Vanchiat ah mah hri kha a ropmi a rak si. Hri cu a cat ciammam i Cakei pi cu
vawlei ah ‘phung’ tiah a vung tla. A pum chung i a ummi a ruh vialte a parh
dih. ~afar hna cu duhsah tein van ah cun an kai thluahmah ko.
Cuticun ngakchia pa te cu Nika ah aa
cang i chun kha a eeuter. Ngakchia nu te kha Thlapa ah aa cang i Zaan kha a rak
ceuh ve. Ngakchia nu te cu a ning a `i i zaan i mah lawng um kha a duh lo.
Cucaah a `a nih khan a farnu te cu a umnak a thlen i Nika ah aa cang. Mah ni
thawk in cun ngakchia nu te cu Nika tiah auh a si i ngakchia pa kha Thlapa tiah
auh a si ve. Nika i aa cangmi ngakchia nu te cu midang nih an rak zohmi kha a
ning a zak i mi nih zoh khawh si lo ding in aa ceuter...
Kan Lai
Tuanphung he aa lo ngai i ka hun lehnak hi a si. — calettu
Post a Comment